柳應廷找陳健安首度合作

作為樂壇新人Jer，很希望藉這次機會找一些樂壇前輩Jam一次，於是找來On仔，他說：「我本身都好鍾意On仔嘅歌，所以搵花姐搵On仔，佢好好應承咗。」On仔坦言都有聽過AnsonLo的《一所懸命》及AK的《特登》，但他卻特別鍾意Jer的《水刑物語》，他說：「我都同Jer講，第一首作品可以做到唔係好主流，同時又係自己好喜歡嘅曲風，我都好戥佢開心。」On仔更說，Jer的歌聲似曾相識，他說：「Jer嘅中高音好高亢，某啲音令我諗起我兄弟King，因為好似，所以同Jer夾時，令我重拾同CAll Star合作嘅回憶。」

　今次二人除了合作《水刑物語》外，Jer跟On仔還合唱了《重生》及《在錯誤的宇宙尋找愛》，其中《重生》更是Jer要求合唱的，因為他曾被On仔唱live的版本所感動，而藉著今次合作，Jer可以從中偷師，現場見識On仔在台上的魅力，Jer說：「我自己有好多唱歌壞習慣，例如合埋眼唔望人，企喺度成日郁嚟郁去，今次可以喺On仔身上感受到佢嘅氣場，學習佢喺台上嗰份穩重，真係獲益良多。」On仔聽罷便隨即教路，說：「試下食多啲嘢，做下Gym啦！」但向來不太運動的Jer一聽到即傻笑起來，因為沒想到要企得穩都跟多運動有關呢！◇